Դուք այսքան ժամանակ չեք իմացել, թե հայտնի որ դերասանի որդին է «Պատվից առավել» սերիալից Միքոն

«Պատվից առավել» հեռուստասերիալում Միքոյի դերը դեբյուտային է երիտասարդ դերասան Խոսրով Նալբանդյանի համար: BRAVO.am-ի հետ անկեղծ զրույցում նա խոսել է ուսման, հոր` դերասան Արթուր Նալբանդյանի, սիրելի աշխատանքի եւ նկարահանումների մասին:

Ավարտել եմ Թատերական ինստիտուտը` Նիկոլայ Ծատուրյանի արվեստանոցը: Այնտեղ ուսանելը նախ եւ առաջ ինձ տվել է լավ մարդկանց, լավ ուսում. շատ բաներ սովորեցի մեծ վարպետ Նիկոյալ Ծատուրյանից: Նա մեզ ծանոթացրեց բեմին, արվեստին, կինոյին, տվեց ազատություն մտածելու, կերպար կերտելու, կերպարների մասին ավելի խոր եւ ավելի լիարժեք մտածելու հնարավորություն:

Տարբեր մշակույթների հետ ծանոթանալու, նաեւ շրջագայելու հնարավորություն է տվել ինձ Թատերականը: Ուսանելու ընթացքում ներկայացումներով մասնակցել եմ փառատոնների, ունեցել եմ հաղթանակներ:

Խոսրովը հայրիկի` Արթուր Նալբանդյանի հետ

«Հայրս ինձ հետ մեծ հույսեր է կապում»

Հայրիկիս գործոնը շատ մեծ է իմ կյանքում: Ծնվել եւ մեծացել եմ արվեստագետի ընտանիքում, հորս ընկերները հաճախ էին լինում մեր տանը, եւ միշտ լսում էի նրանց զրույցները: Նաեւ շատ էի հաճախում թատրոն, դիտում էի ներկայացումները, փորձերը, եւ ամեն անգամ մի նոր ոգեւորություն էր առաջանում իմ մեջ: Տեսնում էի, որ բարդ ճանապարհ է, բայց նաեւ հասկանում էի, որ առանց բարդություններ հաղթահարելու չի լինի որեւէ արդյունք: Այդպես որոշեցի շարունակել հայրիկիս ճանապարհը եւ պատվով պետք է անեմ իմ աշխատանքը: Հայրս ինձ հետ մեծ հույսեր է կապում, որ կլինեմ արժանի զավակ հենց արվեստում:

Խորհուրդներ հայրիկից

Երբ որոշել էի ընտրել դերասանի ուղին, հայրս ինձ ասում էր` շատ բարդ ճանապարհ է սպասվում, երբեք պետք չէ հիասթափվել, կոտրվել, ընդհակառակը՝ պետք է միշտ աշխատել, մտածել, ստեղծագործել, եւ այդ ժամանակ ոչ մի փակ դուռ չի լինի: Այժմ էլ, երբ դիտում է մեր հեռուստասերիալը, քննարկումներ ենք ունենում:

Նրա տված խորհուրդները միշտ կյանքի մասին են՝ լինել ազնիվ, անկեղծ, սիրել, սիրվել եւ, ամենակարեւորը, պայքարել մինչեւ վերջ, որպեսզի արդյունքի հասնես:

Ինձ համար այս սերիալն առանձնանում է: Հրաշալի խմբի հետ եմ աշխատում, ինչն ուղղակի հաճույք է: Խաղալով եւ աշխատելով պրոֆեսիոնալների հետ` կարծես ուսումդ շարունակվում է, նոր բաներ ես սովորում պարբերաբար:

Խաղընկերներիս հետ շշմելի հարաբերություններ ունեմ: Ես նման թիմի հետ դեռ չէի աշխատել: Կան ավագ սերնդի խաղընկերներ, որոնցից աշխատում եմ սովորել, նոր դասեր քաղել: Իսկ սերնդակիցների հետ ավելի ազատ ենք շփվում, աշխատում ենք օգնել միմյանց: Այս նախագծի շնորհիվ շատ-շատ լավ ընկերներ ձեռք բերեցի, որոնց հետ ամեն օր թե´ աշխատանքի ժամանակ, թե´ դրանից դուրս, քննարկումներ ենք ունենում: Այդ մարդիկ ինձ համար շատ մեծ ձեռքբերում են:

The role of Miko in the TV series “More than Order” is debut for young actor Khosrov Nalbandyan. In a candid conversation with BRAVO.am, he spoke about his studies, his father, actor Arthur Nalbandyan, his favorite job and filming.

During his student years

I graduated from the Theater Institute, Nikolay Tsaturyan’s studio. Studying there first of all gave me good people, good education. I learned a lot from

the great master Nikoyal Tsaturyan. He introduced us to the stage, art, cinema, gave us the opportunity to think freely, to create an image, to think more deeply and more fully about the characters.

Theatrical gave me the opportunity to get acquainted with different cultures and also to tour. During my studies, I participated in festivals with performances and had victories.

Khosrov with his father, Arthur Nalbandyan

“My father has high hopes for me”

My father’s factor is very big in my life. I was born and raised in an artist family, my father’s friends often visited our house, and I always listened to their conversations. I also went to the theater a lot, watched performances, rehearsals, and each time

Добавить комментарий

Ваш адрес email не будет опубликован. Обязательные поля помечены *